Тукай - шигърияттә якты йолдыз

26 нчы апрель- бөек шагыйребез Габдулла Тукайның туган көне. Песәй мәдәният йортында "Тукай - шигърияттә якты йолдыз" дип исемләнгән әдәби- музыкаль кичә уздырылды. Балалар үзләре яраткан шигырьләрне укыдылар, викторина сорауларына җавап бирделәр, Тукай турындагы истәлекләрне барладылар. Очрашу "Туган тел" җыры белән тәмамланды. Авыл уртасындагы Габдулла Тукай һәйкәленә мәктәп укучылары әзерләгән чәчәкләр салынды. Язлар саен кабатланган Тукай бәйрәме шигърияткә мәхәббәт тәрбияли, күңелләрне сафландыра, матурлык хисләре уята.