Әфганистан- йөрәк ярасы

"Әфганистан- йөрәк ярасы" дип исемләнгән очрашуның төп кунагы - Песәй мәктәбе укытучысы Фәттахов Ришат Касыйм улы. Ул - шушы утлы еллар кайтавазының чын шахите. Аңа котычкыч Әфган сугышында 1987-1989 нчы елларда булырга туры килә. Бу турыда ул озак итеп сөйләргә яратмый, минем өчен экранда барган кадрлар сөйли, ди ул. Чынлап та, тәннәрне өшетердәй тетрәндергеч мизгелләрне кабат искә төшерү бик авырдыр. Үсеп килүче яшь буынга патриотик тәрбия бирүдә батырлык үрнәге булып торырдай мондый шәхесләр белән горурланмый мөмкин түгел.